Ar gyfer Wythnos Addysg Oedolion 2021, eisteddom i lawr gyda Dewi Richards-Darch, Cydlynydd Cwricwlwm Itec, i drafod pwysigrwydd dysgu gydol oes.

Fel unigolyn, ni wnes i erioed ddatblygu fy sgiliau a’m galluoedd tan lawer yn ddiweddarach mewn bywyd. Sylweddolais nad oedd addysg brif ffrwd neu goleg yn darparu ar gyfer fy anghenion na’m twf mewn gwirionedd. Roedd mynd yn hŷn a dod yn oedolyn yn fy ngalluogi i gymryd yr awenau a gwneud penderfyniadau ar sut, beth, a ble roeddwn i eisiau dysgu.

Mae dysgu oedolion yn rhoi amrywiaeth o opsiynau a chyfleoedd i chi efallai nad oeddech chi’n ddigon ffodus i’w cael pan oeddech chi’n iau. Gall eich helpu i fod yn gyfrifol am y cyfeiriad yr ydych am fynd, gan roi dewisiadau i chi a chaniatáu i chi wneud eich penderfyniad eich hun o ran dysgu a pha ddulliau sydd fwyaf addas ar gyfer eich anghenion unigol chi.

Mae’r byd yn newid yn gyflym ar hyn o bryd. Gall yr ystod o gyfleoedd dysgu oedolion sydd ar gael nawr eich helpu i gadw i fyny â newidiadau a thueddiadau byd-eang, a bydd yn eich gwneud yn argoel llawer mwy deniadol i gyflogwyr newydd neu bresennol.

Beth yw’r elfennau allweddol o dysgu effeithlon fel oedolyn?

Dysgu Cynhwysol – Mae dysgu oedolion yn gynhwysol. Mae’n canolbwyntio arnoch chi, gan barchu a gwerthfawrogi eich cyfraniadau a’ch mewnbwn tuag at ddysgu. Mae’n caniatáu ichi deimlo fel petaech yn rhan o rywbeth yn hytrach na theithiwr yn y car yr ydych yn ei lywio, mae dysgu oedolion yn helpu i newid a chefnogi’r cyfeiriad yr ydych yn symud iddo.

Trosglwyddo – Mae hyn yn cydnabod bod y sgiliau rydych chi’n eu dysgu yn drosglwyddadwy i lawer o wahanol feysydd, diwydiannau, gan gynnwys amrywiaeth o dasgau. Mae’n amlygu sut y gallwch ddysgu adnabod sgiliau trosglwyddadwy ac felly dod yn berson hyblyg a gwydn.

Hyblygrwydd – Gwybod y gallwch ddysgu mewn amgylchedd hyblyg a chefnogol a gwneud yn siŵr bod eich dysgu yn cyd-fynd yn effeithlon â’ch bywyd personol; sicrhau nad yw’n dechrau teimlo fel tasg feichus.

Cymhelliant – Mae cymhelliant yn chwarae rhan fawr sy’n eich galluogi i ymgysylltu a chynnal trefn ddysgu iach. Cael digon o gymhelliant i gymryd y cam cyntaf yw’r anoddaf fel arfer. Goresgyn ofn yr anhysbys yw’r cam mwyaf y gallwch ei gymryd ar eich taith, unwaith y bydd hyn wedi’i gyflawni, mae unrhyw beth yn gyraeddadwy.

Sut gall Itec helpu oedolion dod o hyd i cyflogaeth llawn-amser?

Mae Itec yn helpu oedolion i ddod o hyd i waith llawn amser trwy amrywiaeth o ffynonellau a chefnogaeth. Mae gwefan fodern wedi’i haddasu i gynnal amrywiaeth o gyfleoedd, a’r cyfan wedi’u gwneud yn bosibl trwy gyllid a chyfleoedd dysgu fel Twf Swyddi Cymru a’r Prentisiaethau.

Mae Itec yn cefnogi ac yn ymgysylltu â miloedd o ddysgwyr sy’n oedolion trwy ein CSA, Twf Swyddi Cymru, Prentisiaethau a’r Cynllun Ailgychwyn.

Mae pob rhaglen yn cefnogi dysgwyr ag anghenion dysgu a chyflogaeth penodol. Er bod pob rhaglen yn wahanol, mae un prif egwyddor yn aros yr un fath ac wedi’i hymgorffori ym mhob un. Mae hyn yn golygu bod y dysgwr yn ganolog i’r rhaglen a bod eu hanghenion yn cael eu diwallu ar sail unigol; boed hyn yn gymorth 1:1 i oresgyn rhwystrau, neu hyd yn oed drwy gyrraedd nodau dysgu penodol a phersonol.

1. I adeiladu eich hyder a gwella eich rhagolygon o gyfleoedd swyddi newydd a chyffrous.
2. Mae dysgu yn newid cadarnhaol a gall helpu i wella eich hapusrwydd a lles personol.
3. Mae dysgu mewn amgylched amrywiol a chynhwysol yn fuddiol iawn i caniatau i chi weithio gydag amrywiaeth eang o unigolion.
4. Dydych chi byth yn rhy hen i dysgu tric newydd. Mae’n iachus i herio’ch hun a ffynnu drwy ddatblygu eich sgiliau a’ch galluoedd.
5. Mae’n hen ystrydeb ond mae dysgu wir yn hwyl ac yn werth chweil.

Sut mae’r dyfodol o dysgu oedolion yn edrych?

Mae dysgu oedolion eisoes wedi dechrau newid a datblygu yn unol â chyfleoedd; i ganiatáu i ddysgu trwy strategaethau cyfunol ddod yn norm newydd ers yr achosion o Covid. Mae technoleg wedi datblygu’n sylweddol dros y flwyddyn ddiwethaf gyda meddalwedd cynadledda wedi’i diweddaru, gan wneud popeth yn llawer mwy hygyrch i’r defnyddiwr bob dydd.

Rydym eisoes yn gweld manteision hyn gyda mwy o gyrhaeddiad, gan greu ystafelloedd dosbarth digidol cynhwysol a rhwygo rhwystrau daearyddol lle mae unigolion bellach yn gallu gweithio gartref. Mae pobl bellach yn gallu gwneud cais am swyddi lle’r oedd trafnidiaeth yn rhwystr o’r blaen.

Mae dyfodol addysg oedolion yn mynd i gynnwys pecynnau technoleg a meddalwedd mwy diweddar. Gyda datblygiad dyddiol meddalwedd a chaledwedd, mae’n hanfodol nad rhywbeth ychwanegol yn unig yw hwn; ond rhywbeth sydd wedi’i integreiddio ac y dangosir ei fod o fudd i’r defnyddiwr dyddiol.

Gyda gweithleoedd yn mabwysiadu realiti cymysg, mae datblygiadau mewn VR ac AR yn dod i’r farchnad sydd wedi’u cynllunio ar gyfer gweithgareddau efelychu ystafell ddosbarth; mae hyn yn galluogi’r defnyddwyr i ddangos cymhwysedd mewn gweithgareddau ymarferol craidd. Mae’r defnydd o VR ac AR yn caniatáu i ddefnyddwyr gysylltu’n fyd-eang a chwrdd ag eraill yn rhithwir.

Bydd y defnydd o dechnoleg a meddalwedd cynadledda yn parhau i chwalu rhwystrau ffisegol a logistaidd mewn cysylltiad â dysgu, gan ganiatáu ar gyfer datblygiad a sicrhau deinamig cynhwysol o fewn amgylchedd dysgu amrywiol.