10/08/2021

Diwrnod Iechyd Meddwl y Byd 2021: Dewch i ni siarad am Iechyd Meddwl

Ysgrifennwyd gan Hannah Barron, Rheolwr AD yn Itec

Mae’r rhan fwyaf ohonom yn gwybod pa mor bwysig yw gofalu am ein hiechyd meddwl, yn enwedig gyda’r heriau y mae 2020 a 2021 wedi’u cyflwyno i bob un ohonom. Mae wedi dod yn hanfodol, hyd yn oed gyda llawer yn digwydd o’n cwmpas, i flaenoriaethu ein hiechyd meddwl a’n lles.

Yn ystod y cyfnodau cloi, mae llawer ohonom wedi teimlo’n ynysig, sydd wedi effeithio ar ein hiechyd meddwl. Mae diffyg rhyngweithio â ffrindiau, teulu a chydweithwyr, ynghyd â’r anallu i gadw at drefn benodol, wedi arwain at ddyblu cyfraddau iselder, yn ôl y  Swyddfa am Ystadegau Cenedlaethol. 

Mae’n bosibl gwella ein hiechyd meddwl gydag arferion dyddiol syml. Mae mynd allan i’r awyr agored a chroesawu byd natur yn ffyrdd gwych o gysylltu â ni ein hunain. Mae mynd i siâp yn rhyddhau endorffinau, y dangoswyd eu bod yn hybu ein hwyliau ac yn lleddfu straen. Fe welwch fod siarad am unrhyw heriau y gallech fod yn eu hwynebu, boed gyda theulu, ffrindiau, cydweithwyr, neu gymorth arbenigol, yn cael effaith gadarnhaol iawn, ac efallai y byddwch yn gallu rhoi cynlluniau a mecanweithiau ymdopi ar waith.

Mae llawer o fanteision i rymuso iechyd meddwl da yn y gweithle, ac nid yn unig i’r gweithiwr unigol ond hefyd i’r busnes. Mae gweithleoedd sy’n grymuso iechyd meddwl da yn fwy tebygol o weld gweithwyr yn ymfalchïo yn eu gwaith, a all arwain at welliant mewn perfformiad.

Rwy’n falch o weithio ochr yn ochr â’m cydweithwyr a thros sefydliad sy’n cefnogi deialog agored a diwylliant o gwmpas iechyd meddwl, gan alluogi cydweithwyr i gefnogi ei gilydd a siarad am eu hiechyd meddwl a’u lles.

Fel Arweinydd Hyderus o ran Anabledd, gallwn ddarparu cymorth i gyflogwyr eraill gofrestru i’r safon ar bob un o’r 3 lefel. Rydym yn annog cyflogwyr a sefydliadau rydym yn gweithio gyda nhw i ymrwymo i’r fframwaith i gefnogi arfer da. I gael rhagor o wybodaeth am yr Ymgyrch Hyderus o ran Anabledd, ewch i  gwefan y llywodraeth.

Mae fy 10 awgrym da ar gyfer gofalu am eich iechyd meddwl, sydd wedi cael eu datblygu gan y Sylfaen Iechyd Meddwl,  yw i:

  1. Siaradwch am eich teimladau. Gall siarad am eich teilmadau helpu chi i aros o fewn iechyd meddwl da a delio efo cyfnodau rydych chi’n teimlo’n cythryblus.
  2. Cadw’n actif. Gall ymarfer corff rheolaidd roi hwb i’ch hunan-barch a gall eich helpu i ganolbwyntio, cysgu, a theimlo’n well. Mae ymarfer corff yn cadw’r ymennydd a’ch organau hanfodol eraill yn iach ac mae hefyd o fudd sylweddol i wella’ch iechyd meddwl.
  3. Bwyta’n iachus. Mae angen cymysgedd o faetholion ar eich ymennydd er mwyn aros yn iach a gweithredu’n dda, yn union fel yr organau eraill yn eich corff. Mae diet sy’n dda i’ch iechyd corfforol hefyd yn dda i’ch iechyd meddwl.
  4. Yfed yn gall. Rydym yn aml yn yfed alcohol i newid ein hwyliau. Mae rhai pobl yn yfed i ddelio ag ofn neu unigrwydd, ond dim ond dros dro yw’r effaith. Pan fydd y ddiod yn blino, rydych chi’n teimlo’n waeth oherwydd y ffordd y mae’r alcohol wedi effeithio ar eich ymennydd a gweddill eich corff. Nid yw yfed yn ffordd dda o reoli teimladau anodd.
  5. Cadwch mewn cyswllt. Does dim byd gwell na dal i fyny â rhywun wyneb yn wyneb, ond nid yw hynny bob amser yn bosibl. Gallwch hefyd roi galwad iddynt, gollwng nodyn iddynt, neu sgwrsio â nhw ar-lein yn lle hynny. Cadwch y llinellau cyfathrebu ar agor: mae’n dda i chi!
  6. Gofynnwch am help. Nid oes yr un ohonom yn oruwchddynol. Rydyn ni i gyd weithiau’n blino neu’n cael ein llethu gan sut rydyn ni’n teimlo neu pan nad yw pethau’n mynd yn unol â’r cynllun. Os yw pethau’n mynd yn ormod i chi each bod yn teimlo na allwch ymdopi, gofynnwch am help. Efallai y gall eich teulu neu ffrindiau gynnig help ymarferol neu glust i wrando.
  7. Cymryd seibiant. Mae newid golygfa neu newid cyflymder yn dda i’ch iechyd meddwl. Gallai fod yn saib pum munud o lanhau eich cegin, egwyl cinio hanner awr yn y gwaith, neu benwythnos yn archwilio rhywle newydd. Gall ychydig funudau fod yn ddigon i leddfu straen arnoch chi. Rhowch ychydig o ‘amser i mi’ i chi’ch hun.
  8. Gwnewch rywbeth rydych chi’n dda yn ei wneud. Gall mwynhau eich hun helpu i drechu straen. Mae gwneud gweithgaredd, rydych chi’n ei fwynhau yn ôl pob tebyg yn golygu eich bod chi’n dda yn ei wneud, ac mae cyflawni rhywbeth yn rhoi hwb i’ch hunan-barch.
  9. Derbyn pwy ydych chi. Rydyn ni i gyd yn wahanol. Mae’n llawer iachach derbyn eich bod yn unigryw na dymuno pe baech yn debycach i rywun arall. Mae teimlo’n dda amdanoch chi’ch hun yn rhoi hwb i’ch hyder i ddysgu sgiliau newydd, ymweld â lleoedd newydd a gwneud ffrindiau newydd. Mae hunan-barch da yn eich helpu i ymdopi pan fydd bywyd yn cymryd tro anodd.
  10. Gofalu am eraill. Yn aml yn rhan bwysig o gadw perthynas â phobl sy’n agos atoch chi. Gall hyd yn oed ddod â chi’n agosach at eich gilydd. 
    

    

    

    

    

    

    

    

    

    11.