Newydd adael yr ysgol ac yn ansicr beth i’w wneud nesaf? Ceisio mynd mewn i waith ond teimlo bod eich profiad yn eich dal yn ôl? Oes gennych chi ddiddordeb mewn datblygu eich sgiliau a datblygu eich gyrfa? Beth bynnag yw eich nod, mae Itec yma i’ch cefnogi ar eich taith.
Rhaglen ddysgu yw’r rhaglen Hyfforddeiaeth, sy’n rhoi’r sgiliau a’r profiad sydd eu hangen arnoch i sicrhau cyflogaeth neu i symud ymlaen i ddysgu pellach neu brentisiaeth yn y dyfodol. Mae’r rhaglen yn rhoi cyfle i chi gael blas ar swydd y gennych ddiddordeb ynddi cyn i chi ymrwymo i gwrs neu brentisiaeth. Cewch eich talu am wneud Hyfforddeiaeth a byddwch yn derbyn cymorth gan eich cyflogwr i ddatblygu eich sgiliau a’ch gwybodaeth ymhellach.
Os ydych chi eisiau rhoi hwb i’ch gyrfa neu roi hwb i’ch gyrfa bresennol, mae Prentisiaeth yn lle gwych i ddechrau. Mae Prentisiaeth yn rhaglen dysgu seiliedig ar waith sy’n eich helpu i ddatblygu sgiliau proffesiynol ac ennill cymhwyster lefel 2-5 a gydnabyddir yn genedlaethol tra’n ennill cyflog – gan ei wneud yn ddewis gyrfa ardderchog.
Mae Twf Swyddi Cymru yn rhoi cyfle i bobl ifanc ddi-waith rhwng 16 a 24 oed gystadlu yn y farchnad swyddi heddiw. Byddwch yn cael lleoliad gwaith gwerthfawr mewn swydd â thâl am chwe mis – gan eich helpu i gael y cam cyntaf pwysig hwnnw ar yr ysgol yrfa. Mae’r rhaglen yn eich galluogi i brofi eich hun, gwneud defnydd da o gymwysterau presennol, cael cyflog, goresgyn rhwystrau ac ystyried eich opsiynau ar gyfer y dyfodol.
Datblygwch eich sgiliau, meithrin eich hyder, a dod o hyd i’ch angerdd, gyda’n pecyn cymorth, hyfforddiant a lleoliad gwaith. Mae’r Rhaglen Sgiliau Cyflogadwyedd wedi’i chynllunio i gefnogi oedolion di-waith i wella eu sgiliau cyflogadwyedd a’u helpu i gael gwaith cynaliadwy. Gallwch gael gafael ar ystod o gymorth a hyfforddiant, gan gynnwys lleoliadau gwaith o safon, cymorth arbenigol a chyngor ar baratoi gwaith, a hyfforddiant sy’n benodol i gyflogwyr i ddatblygu eich sgiliau hanfodol.
