Dysgwr
Twf Swyddi Cymru+
Datblygwch eich sgiliau, ennillwch profiad gwaith gwerthfawr, ac derbyniwch hyd at £60 yr wythnos!
Rhaglen ddysgu yw Twf Swyddi Cymru +, sy’n rhoi’r sgiliau a’r profiad sydd eu hangen arnoch i sicrhau cyflogaeth neu i symud ymlaen i Brentisiaeth neu ddysgu pellach yn y dyfodol. Tra byddwch ar y rhaglen byddwch yn derbyn cefnogaeth i ddatblygu eich sgiliau, cynyddu eich gwybodaeth a chynnal eich iechyd a’ch lles.
TSC+ efo Itec
3 strand
3 strand gwahanol sydd fwyaf addas i chi’ch hun.
Cael eich talu wrth ddysgu
Gallwch ennill hyd at £60 yr wythnos.
Cyfleoedd gwaith wrth eich traed
Mae gennym ni gyfleoedd amser llawn a rhan-amser ar gael gyda chyflogwyr lleol ar draws De Cymru ar gyfer pobl ifanc 16-19 oed.
Dechrau efo Twf Swyddi Cymru+
Mae gan Dwf Swyddi Cymru+ dri llinyn gwahanol i wneud yn siŵr eich bod yn cael y cymorth sydd ei angen arnoch i symud ymlaen:
Ymgysylltu
Ar y strand hwn byddwn yn nodi ac yn mynd i’r afael ag unrhyw rwystr(au) dysgu a allai eich atal rhag cymryd rhan mewn dysgu pellach neu symud i gyflogaeth. Ynghyd â dysgu yn y ganolfan, byddwch yn cael blas ar waith gyda chyflogwr lleol, a’r nod yw cadarnhau eich ffocws galwedigaethol. Byddwch yn cael ehangder a hyblygrwydd y sgiliau sydd eu hangen arnoch i symud ymlaen cyn gynted â phosibl, ynghyd â chymorth 1-2-1. Bydd eich cymorth yn cael ei bersonoli i chi a’i deilwra i’ch anghenion a bydd yn cyfateb i ba bynnag sector gwaith y mae gennych ddiddordeb ynddo. Anelir presenoldeb hyd at 30 awr yr wythnos. Gallwch ennill hyd at £60 yr wythnos ar y maes hwn.
Dyrchafiad
Mae’r llinyn hwn ar eich cyfer chi os oes gennych chi swydd neu lwybr gyrfa benodol mewn golwg, dyma le gall Twf Swyddi Cymru+ eich helpu i wireddu hyn. Byddwn yn gweithio gyda chi ar eich cynllun dysgu unigol gyda gweithgareddau penodol i gryfhau eich sgiliau, eich galluogi i ddysgu am bwnc, a chael profiad gyda chyflogwyr lleol. Byddwch yn cael lwfans hyfforddi wythnosol tra byddwch yn dysgu ac yn gweithio tuag at gymhwyster cydnabyddedig.
Anelir presenoldeb at 16-40 awr yr wythnos a gallwch ennill hyd at £60 yr wythnos ar y llinyn
Cyflogaeth
Os ydych chi’n gwybod pa swydd rydych chi ei heisiau, rydych chi’n edrych, ac yn barod i ddechrau gweithio, gall Twf Swyddi Cymru+ eich helpu i gael swydd o fewn 10 wythnos. Byddwn yn dod o hyd i gyfleoedd gwaith i chi gyda chyflogwyr lleol, byddwch yn gallu cael treial gwaith a byddwch yn dod yn rhan o gwmni ac yn derbyn cyflog. Mae’r llinyn hwn yn darparu cymhorthdal cyflog ar gyfer cyfle am swydd gynaliadwy â thâl.
Anelir presenoldeb at 16-40 awr yr wythnos.
Gallwch ennill hyd at £60 yr wythnos nes eich bod yn gyflogedig ac yna’n sicr o dderbyn yr isafswm cyflog cenedlaethol.
Barod i weithio?
Mae gennym ni gyfleoedd amser llawn a rhan-amser ar gael gyda chyflogwyr lleol ar draws De Cymru ar gyfer pobl ifanc 16-19 oed. Os ydych chi’n barod i ddechrau gweithio, cliciwch ar y botwm isod!
Cymhwysedd
Mae Twf Swyddi Cymru+ ar gyfer unigolion 16-19 oed os nad ydynt mewn addysg, cyflogaeth na hyfforddiant amser llawn.
Rydym yn darparu Twf Swyddi Cymru+ yng Nghaerdydd, Casnewydd, Torfaen, Rhondda Cynon Taf, Caerffili, Sir Fynwy, Bro Morgannwg, Blaenau Gwent, Pen-y-bont ar Ogwr ac Abertawe, Castell-nedd a Phort Talbot. Trwy ein sefydliadau partner rydym hefyd yn cyflawni ym Mhowys, Sir Benfro a Sir Gaerfyrddin. Gweler Ein Canolfannau.
Mae’r rhaglen yn agored i ymuno drwy gydol y flwyddyn, felly os oes gennych ddiddordeb mewn clywed mwy neu os hoffech ddechrau eich ymrestriad, anfonwch neges atom yn y blwch isod.
Yn barod i fynd neu eisiau sgwrsio â rhywun mwy am eich opsiynau? Cysylltwch â ni heddiw.
Rhowch wybod i’n tîm Twf Swyddi Cymru+ pa elfen yr hoffech chi ddechrau arni gan ddefnyddio ein ffurflen Cysylltwch â Ni. Neu os nad ydych chi’n siŵr pa lwybr sy’n iawn i chi, gadewch neges i ni a bydd un o’n cynghorwyr yn cysylltu â ni i sgwrsio am eich opsiynau.
“Mae’r adborth rydw i wedi’i gael gan fy ngweithiwr arweiniol wedi fy helpu i ddadansoddi’n union beth sydd angen i mi ei wneud nesaf i symud ymlaen i lefel un. Rwyf ar leoliad mewn salon gwallt ar hyn o bryd, ac rwy’n gweithio gyda fy nhiwtor i’w gwblha fy AON. Rwy’n gwybod y gallaf symud ymlaen i lefel un a dechrau fy nghymhwyster trin gwallt gydag anogaeth ac arweiniad Itec.”
“Collais fy lleoliad cyntaf oherwydd peidio â rhoi’r ymdrech i mewn. Yna gweithiais gyda fy ngweithiwr arweiniol i ddarganfod beth aeth o’i le a beth allwn i fod wedi ei wneud yn wahanol. Rwyf wedi gweithio ar fy mhresenoldeb ac wedi rhoi llawer o ymdrech i mewn i fy mhresenoldeb. Rwy’n awr ar fy ail leoliad mewn garej, ac ar hyn o bryd yn gweithio tuag at gymhwyster Mecaneg ni fyddwn yn y sefyllfa hon heb fy ngweithiwr arweiniol ac Itec.”
“Yn ystod y cyfyngiadau symud, mae Itec a fy nhiwtor wedi rhoi cymorth mor dda i mi i helpu gyda’r straen a achosir gan fy sefyllfa gartref a fy iechyd meddwl. Maen nhw wedi bod yn wych wrth fy helpu i ymdopi yn ystod y cyfyngiadau symud, mae arna’ i ddyled fawr iddyn nhw.”
FAQs
Beth yw Twf Swyddi Cymru+?
Mae Twf Swyddi Cymru+ yn rhaglen a gynlluniwyd i helpu pobl ifanc yng Nghymru i ennill y sgiliau, y profiad a’r cymwysterau sydd eu hangen i sicrhau cyflogaeth gynaliadwy. Mae’n cynnig cefnogaeth trwy hyfforddiant, lleoliadau gwaith, a chyfleoedd gwaith cyflogedig.
Pa fathau o gefnogaeth fyddaf yn derbyn?
Mae TSC+ yn darparu tri phrif faes cymorth:
Ymgysylltu: Yn eich helpu i benderfynu ar lwybr gyrfa.
Cynnydd: Yn darparu cymwysterau neu gefnogaeth ychwanegol i gymryd eich cam nesaf.
Cyflogaeth: Mae’n helpu i gael swydd gyda chymhorthdal cyflog ar gyfer cyfle gwaith cyflogedig a chynaliadwy.
Pa fath o hyfforddiant fyddaf yn ei dderbyn?
Mae’r hyfforddiant a ddarperir trwy TSC+ wedi’i deilwra i’ch anghenion unigol a’ch nodau gyrfa. Gall gynnwys hyfforddiant galwedigaethol, sgiliau cyflogadwyedd, a chymwysterau penodol sy’n ofynnol ar gyfer eich llwybr gyrfa ddewisol.
A allaf gael help i ddod o hyd i swydd ar ôl cwblhau'r rhaglen?
Oes, un o nodau allweddol TSC+ yw eich helpu i sicrhau cyflogaeth gynaliadwy. Mae’r rhaglen yn cynnwys cymorth ar gyfer chwilio am swydd, ysgrifennu CV, paratoi ar gyfer cyfweliad, a’ch cysylltu â darpar gyflogwyr.
A oes unrhyw gost i ymuno â'r rhaglen?
Na, nid oes unrhyw gost i ymuno â rhaglen TSC+. Mae’n cael ei ariannu gan Lywodraeth Cymru i gefnogi pobl ifanc i ennill y sgiliau a’r profiad sydd eu hangen ar gyfer cyflogaeth.
Pa mor hir mae'r rhaglen yn para?
Gall hyd y rhaglen amrywio yn dibynnu ar anghenion unigol a’r llinyn cymorth penodol yr ydych yn ei dderbyn. Yn nodweddiadol, gall y cyfnodau ymgysylltu a datblygu bara sawl wythnos i ychydig fisoedd.
A fyddaf yn cael fy nhalu tra ar y rhaglen?
Byddwch, byddwch yn derbyn hyd at £60 yr wythnos ynghyd â lwfans cinio dyddiol. Ar gyfer rhai cyfnodau o’r rhaglen, fel y llinyn Cyflogaeth, byddwch yn derbyn cymhorthdal cyflog a delir gan eich cyflogwr.
Sut allaf wneud cais am TSC+?
Gallwch wneud cais am TSC+ drwy roi gwybod i ni beth yw eich diddordeb drwy ddefnyddio’r dudalen Cysylltwch â Ni.
Beth os bydd angen cymorth ychwanegol arnaf yn ystod y rhaglen?
Mae TSC+ yn darparu mynediad i ystod o wasanaethau cymorth, gan gynnwys mentora, cwnsela, a chymorth arbenigol i’r rhai ag anghenion dysgu ychwanegol neu rwystrau eraill i gyflogaeth.
Ein Cleientiaid TSC+
