Ers iddynt fod yn eu harddegau, breuddwydiodd Kirstie a Lauren am ddilyn gyrfa mewn lletygarwch. Nawr, ar ôl gweithio yn y diwydiant am nifer o flynyddoedd, fe benderfynon nhw fynd â’u gyrfa i’r cam nesaf, trwy gymorth prentisiaeth.

Mae Kirstie a Lauren yn gweithio fel blaen tŷ i Glwb Golff arobryn, Clwb Golff Brenhinol Porthcawl.

Ar ôl cwblhau eu NVQ Lefel 3 mewn Goruchwyliaeth ac Arweinyddiaeth, mae Kirstie a Lauren bellach yn barod i gymryd eu camau cyntaf i reoli, gyda chymorth y cwrs Rheoli Lletygarwch Lefel 4.

Drwy gydol eu hamser ar y rhaglen, mae Kirstie a Lauren wedi gorfod brwydro yn erbyn nifer o rhwystrau a’u goresgyn. Y brif her yr oedd yn rhaid i’r ddau ei hwynebu, oedd y pandemig Cofid-19. Fel y gwyddoch mae’n siŵr, mae’r pandemig wedi cael effaith andwyol ar y diwydiant lletygarwch, gyda’r mwyafrif o fusnesau’n profi prinder staff a cholli refeniw. Nid yn unig oedd hwn yn gyfnod anodd i weithio drwyddo, a rheoli eraill, ond roedd gan Kirstie a Lauren eu gwaith cwrs i’w gwblhau hefyd. Hyd yn oed yn yr amseroedd anoddaf, dangosodd y ddwy fenyw ymroddiad aruthrol i gwblhau eu holl waith cwrs ar amser, ac i safon uchel.

Mae Lauren hefyd wedi wynebu rhwystrau personol i ddelio â nhw, ar ôl cael diagnosis o MS (sglerosis ymledol) yn ddiweddar, sef clefyd sy’n effeithio ar eich system nerfol ganolog, a gall ddarparu symptomau fel colli golwg, fertigo, blinder a sbastigedd cyhyr. Sy’n golygu, yn ystod y cyfnod anodd hwn, nid yn unig y bu’n rhaid i Lauren jyglo ei llwyth gwaith, ei dyletswyddau rheolaethol, ac effeithiau emosiynol y pandemig, ond ei bod hefyd wedi gorfod brwydro yn erbyn ei phroblemau iechyd, trwy orfod mynychu apwyntiadau lluosog a delio â’r achosion estynedig o poeni am fregusrwydd ei hiechyd yn ystod pandemig byd-eang. Er mor anodd ag y bu’r cyfnod hwn i Lauren, mae hi wedi dangos lefel wych o benderfyniad a dewrder, drwy gydbwyso’r holl heriau a grybwyllwyd uchod, ac yn dal i lwyddo i gwblhau ei phrentisiaeth.

Yn ôl y merched, un o’r elfennau allweddol a’i gwnaeth yn bosibl goresgyn y rhwystrau hyn oedd eu haseswr, Nick Snell.

“O fewn y math hwn o amgylchedd, mae’n gwneud cymaint o wahaniaeth o gael perthynas agos â’ch aseswr, mae’n gwneud y broses gymaint yn fwy pleserus a hylaw. Mae cael perthynas onest a thryloyw gyda Nick wedi fy helpu i gyflawni fy nodau” – Lauren

Mae’r ddwy ferch yn canmol Itec a’r rhaglen brentisiaeth am eu datblygiad, trwy roi gwell dealltwriaeth i’r merched o’u cyfrifoldebau craidd, strategaethau amrywiol ar sut i reoli eraill, yn ogystal â thactegau ac arferion i gynyddu boddhad cwsmeriaid.

“Roedd cael y cyfle i fireinio fy sgiliau presennol tra’n datblygu set newydd sbon o fudd mawr i mi” – Kirstie

Mae profiad Kirstie trwy gydol y rhaglen brentisiaeth wedi ei hysbrydoli i redeg ei thîm ei hun a rhoi ei sgiliau arwain newydd ar waith.

Gan ddefnyddio ei hyder Newydd o’i phrentisiaeth, gwnaeth Kirstie gais am rôl uwch ‘Goruchwyliwr Bwyd a Diod’, lle bu’n llwyddiannus. Tra bod Lauren eisoes â’i bryd ar brentisiaeth arall, ac mae’n bwriadu parhau â’i thaith ddysgu i ddatblygu ei sgiliau rheoli a lletygarwch ymhellach.

“Rwyf eisoes wedi meddwl am lefel nesaf y brentisiaeth ac wedi edrych arni, er nad wyf wedi gorffen yr un hon eto” – Lauren

Wrth gael eu holi, dywedodd Kirstie a Lauren mai mantais bwysicaf y brentisiaeth oedd faint o gefnogaeth a gawsant gan eu haseswr, Nick.

“Mae Nick wedi bod yn gymaint o help, dwi wir ddim yn meddwl y byddwn i wedi gallu gwneud y brentisiaeth hon hebddo” – Lauren